لو برغم كل اللي حواليك وبتخاف يبقى اتأكد تماما أن مفيش حد منهم لقيت فيه الأمان
تخاف مش شرط من حاجات تخوف
ممكن تخاف من بكرة
ممكن تخاف م الظلمة
ممكن خوفك يبقى م الزمن
أو من المرض
أو خوف وهم
الأمان بيلغي أي خوف
شوفت واحد متأمن يخاف من لص؟
مع غياب الأمان نلاقي حضور قوي للخوف
ربنا يكتر من الناس اللي بيحبونا ونحبهم ويكونوا اماننا لآخر العمر
اتجوزي الراجل اللي يهتم بأدق تفاصيلك
اللي يهتم بروحك قبل جسمك
اللي يهتم بمشاعرك قبل شكلك
اللي تفرق معاه التفاصيل الصغيرة والكبيرة
اللي تلاقيه معاكي وجمبك وعمره ما يكون مشغول الا بيكي
على الخير كله
على اللي قلبي حبه
واللي يستاهلوا
ع اللي ابتسامته صافيه
لما نتقابلوا
ع اللي محلي دنيتي
وانا دنيته واهله
مش بكتب لحد
ولا بترجي حب
مش مستني اي رد
من حد قال فيا وسب
انا بكتب للجمال
للشقاوة وللدلال
بكتب للي مال
حتى لو ميلانه كدب
بكتب للي شاري
وبيواجه عشان حبه حرب
بكتب للاوفياء
أصحاب اللسان جميل وعذب
بكتب للانقياء
اللي بيقولوا يارب
مد ايدك لقلب
غرق من كتر الانتظار
مد ايدك بحب
واقلب الليل لنهار
وأن قالوا لك مرة ابعد
قول البعد شغل الصغار
جدد في قلبي بخضار
خليه يطرح بالثمار
الوجع سلمته ليك
خد منه انت تار
تعليقات
إرسال تعليق