كل سنه وحضرتك طيب
وحضرتك طيبة كمان
مسيحي اه وبهني
وادعي بالخير والأمان
بحبك صاحبي واخويا
وجمبي في كل مكان
سعادتك من سعادتي
بطلبها في كل زمان
وياريتك تفتكرني
في ساعة الادان
وهجي والله ب مفاجأة
حبايبي معايا والجيران
هكتب لاخر نفس
مش هبطل كتابة
هكتب عن كل حاجة
جميلة رقيقة جذابة
هكتب في الشعر حدوتة
لبنوتة حلوة بسكوتة
اللي حزينة وموجوعة
قبل الفرحانة مبسوطة
هكتب لكل شب
وقع في الحب وحب
وكل القصص والروايات
بما فيها من صدق وكدب
اغلب اختلافاتنا وخلافنا اننا بعد فترة نكتشف نسخة تانيه خالص من اللي بنحبه ونقول مين ده وللاسف ممكن تكون نسخة سيئه
والسبب من البدايه هو عدم الوضوح
اللي ما يعرفش يكون شخص واحد م البدايه بلاش يقرب مننا
اللي له اكتر من شخصية ووش بلاش يقرب مننا
احنا مش مستشفي هنتقبلك بامراضك ونعالجك
احنا قلوب رهيفة اوي ع احتمالكم
الي متعددي الوجوه عاملونا زي ما بنعاملكم
احنا وحشين قبل ما نكون حلوين لكن وش واحد
قربوا من اللي يعرف يتأقلم معاكم
من اللي من البدايه ما يخافش ان الوحش اللي فيه ممكن يبقي عقبه للقرب منكم
ده احنا بنتداري من الناس فيكم.. منكم انتوا بقي هنستخبي في مين
الشاعر مينا انيس نخله
تعليقات
إرسال تعليق