شطار اوي في الكلام
خايبين اوي ف الافعال
بالاحضان ناخد والسلام
من قوته تتهز جبال
ومين صادق ومين
يبقي قد كلامه
ومين يخاف ع العين
م الوجع وايامه
نظرة وراء
على حياة ضاعت
ع ايام كانت
مع ناس سابت
نظرة وراء
ع ذكرى
على ماضي
على وجع
على حاضررر
ع بكرة
ع كل لحظة فيها بنتخدع
يا فضفضوا ويقولوا كل اللي جواهم يا اما يسكتوا ويختلوا بنفسهم في وحدتهم
حلوين في غضبهم وزعلهم ممكن ينيلوا الدنيا بستين نيلة لكن اول ما يفوقوا لروحهم يرجعوا يعتذروا
الناس الحلوة
صعب يجرحوا حد لكن يتجرحوا هما من الناس وكتير اوي كمان
الناس دي بتعيش لغيرها
الناس الحلوة دي ربنا يجعلنا منهم في يوم الايام
يعني بيخاف على مشاعر الناس وصعب تلاقي حد بيخاف ع مشاعره
انسان حساس ممكن يكون كلامه دبش لكن بيرجع يعتذر مش عشان غلط وبس.. إنما عشان عنده ضمير بيأنبه ويستحيل ينام وهو حاسس انه زعل حد
انسان حساس يعني حد طيبته بتسبقه
لو شافك مدمع يدمع فرحان يفرح زيك
عنده عدوى الاحساس بالناس
حافظوا ع الناس دولا.. الناس دي ما بتتعوضش
تعليقات
إرسال تعليق