مع مرور الوقت, تظهر علامات الشيخوخة والخطوط الرفيعة تظهر على الوش, سواء الخطوط الرفيعة اللي حوالي الفم, او حوالي العين, لكن احنا اليوم نتكلم عن تجاعيد الشفايف اللي تعتبر من علامات الشيخوخة الملحوظة, ونقلكم طرق طبيعية بتساعدك على علاج تجاعيد الشفايف.
أسباب تجاعيد الشفايف:
تجاعيد الشفايف بتظهير نتيجة انخفاض انتاج الكولاجين, بخيلي الشفايف نحيفة او رقيقة اكتر وبتظهير فيها تجاعيد, ولكن أحيانا التجاعيد دي مش بتظهير بسبب الشيخوخة بس ممكن تحصل في سن مبكر بسبب الاجهاد او الجينات.
واكيد أي بنت بتبقي عايزة شفايفنا تبان ممتلئة وشكلها حلو وناعم ومن غير اي تجاعيد, احنا نبين من المشكلة دي لان ممكن علاجها او على الأقل تخليها ملحوظة بشكل اقل, واليوم من خلال المقال نوضح الطرق الطبيعية اللي ممكن تساعدك على التخلص من تجاعيد الشفايف وترجعها شكلها حلو
1- استخدام واقي الشمس: و اسمرار حول الشفاه
اول حاجة لازم نعرفها ان الشفايف بتحتاج حماية من الشمس زيها زي أي جزء في الوش, لكن معظم البنات غالبا بينسوا العناية الشفايف, وده بيأدي لتشقق وترهل الشفايف, ومش بس الشفايف ولكن كمان الجلد اللي حوالي الشفايف معرض للضرر من اشعة الشمس ومحتاج لعناية خاصة من اشعة الشمس, ضروري جدا تستخدمي واقي الشمس بعامل حماية مش اقل من 30, وتأكدي انك تجدديه كل ساعتين طول ما انتى بره البيت, وافضل حاجة الشفايف هي تطبيق مرطب شفايفنا او زبدة كاكاو بعامل حماية من الشمس, وكرري وضعه على الشفايف على مدار اليوم لمنع جفاف الشفايف, وتأكدي ان مرطب الشفايف يحتوي على مكونات مرطبة زي زبدة الشيا او زبدة الكاكاو عشان نقدم افضل النتائج.
2- قشري شفايفك:
تقشير الشفايف مهم جدا لإزالة الجلد الميت, وتجديد جلد الشفايف, وتقليل تجاعيد الشفايف, لو عايزة تحافظي على شفايفك شكلها حلو وممتلئة, قشري شفايفك مرة واحدة على الأقل في الأسبوع.
والتقشير مش بس بقلل تجاعيد الشفايف, ولكن كمان بساعد على تفتيح الشفايف الغامقة ويوحد لونها.
تقدري تحضري مقشر شفايفك طبيعي بطريقة بسيطة جدا, اخلطي معلقة كبيرة من السكر البني او السكر العادي مع معلقة زيت زيتون ومعلقة صغيرة عسل, دلكي شفايفك بالخليط ده بحركات دائرية, يساعد على تقشير شفايفك وترطيبها والتخلص من تجاعيد الشفايف وبتخليها ناعمة اكتر.
3- تدليك الشفايف بزيت فيتامين E:
فيتامين E هو واحد من مضادات الاكسدة القوية, وبساعد على زيادة انتاج الكولاجين في الجلد, كل اللي تعمليه دلكي شفايفك بكمية بسيطة من زيت فيتامين E وعلى الجلد اللي حوالي الشفايف مرتين في اليوم, يساعد على تنعيمها وعلاج التجاعيد والخطوط الرفيعة ويخلي شكلها ممتلئ.
4- اعملي تمارين الوجه للتخلص من تجاعيد الشفايف:
العضلات في الجسم بشكل عام وظيفتها انها بحافظ على شكل الجسم, والتمارين بانتظام وبشكل صحيح بحافظ عليها متناسقة, وزي باقي الجسم بالضبط, عضلات الوش بتحتاج تمارين عشان تفضل قوية ومتناسقة, وده يساعد على منع تجاعيد الشفايف والخطوط الرفيعة, تقدري تختاري أي تمرين الشفايف وتكرريه 20 مرة يوميا على الأقل لأفضل النتائج.
– الطريقة الأولى
لتمارين الشفايف: اقفلي الفم وارفعي زاوية واحدة من الفم لحد ما تحولي الشفايف لنص ابتسامة, كرري الحركة للجنبين.
– الطريقة التانية: اعملي شكل “O” كبير بالفم مع إخفاء الاسنان الشفايف.
التمارين دي بساعد على شد الشفايف وشد العضلات, وبتزود من المرونة وتقلل من تجاعيد الشفايف, مع الاستمرار على التمارين بتشوفي نتائج ملحوظة وان تجاعيد الشفايف قلت كتير
5- اشربي مية كتير:
الجسم يحتاج للمية, لأنه لو جاف, هتكون النتيجة جلد جاف, وبقع خشنة, واكيد تجاعيد الشفايف, عشان كده لازم تتأكدي من شرب 8 كوبيات مية على الأقل يوميا عشان تدي جسمك المية اللي محتاجها, تلاحظي تحسن في صحة الجسم بشكل عام, مع تحسن نسيج الجلد وتقليل تجاعيد الشفايف.
دي كانت بعض الطرق الطبيعية البسيطة اللي تقدري تنفذيها في روتينك اليومي للتقليل من تجاعيد الشفايف المزعجة, تأكدي من ترطيب الجسم, واستخدام مرطب الشفايف, واستخدام واقي الشمس, توصلي لنتائج رائعة وفعالة جدا في وقت قصير.
تعليقات
إرسال تعليق