انشاء مدونة الكترونية
اهلا
في خلال سته ايام فقط ستكون قادر علي انشاء وعمل مدونة الكترونية والربح منها علي الانترنت بدون تعقيدات برمجيه وبشكل بسيط
واوعدك بعد ٦ ايام هيكون عندك مدونه الكترونية جاهزه تقدر تكتب فيها عن شغفك او منتجك او شركتك
وكمان شويه نصائح هتقدر من خلالها تكسب من المدونه
هاعلمك خطوه بخطوه كيفية انشاء مدونة الكترونية من اول اختيار الدومين والاستضافه الي ازاي تكتب محتوي يخليك تكسب منه فلوس
مجموعه من النصائح عن ازاي تكتشف شغفك وتحوله الي بيزنس تكسب منه عن طويق التدوين؟؟
كل ده في ٦ ايام بس علشان تعمل الخطوات بدون ضغوط
خليني اعطيك نظره سريعه عن محتوي الكورس
اليوم الاول: كيف تختار المجال الذي تبدأ فيه مدونتك
اليوم الثاني: كيفيه استخدام الوردبريس في التدوين وكيفيه اختيار الدومين والاستضافه
اليوم الثالث: الاساسيات التي يجب عليك معرفتها في مدونتك
اليوم الرابع : كيف تكتب محتوي يجذب القارئ
اليوم الخامس:طرق الدعايه المختلفه للمدونه وكيف تبدأ في الربح منها
SEO اليوم السادس: ازاي تخلي مدونتك تكون في مركز متقدم علي جوجل ونصائح في
ممكن الكورس المجاني ده يغير حياتك بجد …..صدقني لو انت عندك شغف وعايز تحوله الي بيزنس
لو عايز تجذب الناس لمنتجك
لو كنت عايز تعمل لشركتك بيزنس اونلاين
اولو عايز تشتغل من البيت
اليوم الأول
. بجد انا سعيد جدا بهذا اليوم. سننشئ مدونتك الجديدة تمامًا. دعونا نبدأ الان
انتقاء المجال الخاص بك
هدفي الأساسي في هذه الدورة هو تعليمك كيفية إنشاء مدونة وازاي تكسب منها فلوس
، لذلك من المهم اختيار مجالك الذي ستنشأ فيه مدونتك. وفي الوقت نفسه كيف تكسب منها المال ، بلا شك هناك بعض المجالات التي يسهل تحقيق المكسب فيها بشكل أسرع. فيما يلي قائمة ببعض الأماكن الأكثر ربحية بدون ترتيب محدد
طعام
السفر
كسب المال
الصحة واللياقة
تمويل شخصي
الجمال والموضة
تطور شخصي (التنميه البشريه)
نمط الحياة (يمكن أن يكون هذا موضوعًا واسعًا للغاية ومكانًا رائعًا للبدء إذا لم تكن مترددًا. يمكن أن يكون أي من المواضيع المذكورة أعلاه وأكثر مدرجًا في مدونة واحدة)
ما هو أكثر شيء انت بتحبه؟
ما هو مجال خبرتك؟
ضع في اعتبارك أنك ستحتاج إلى الكتابة إلى ما لا نهاية لإنتاج محتوى قيم لسنوات قادمة ، لذلك اختر مجالا يمكنك الكتابة عنه دون أن تشعر بالملل.
، واختيار المجال الخاص بك
انا ارجح ان تكون هذه الخطوه في ١٥ الي ٣٠ دقيقه
احنا مش بس هنعمل مدونه عاديه لا احنا هنعمل مدونه ليها سمعه ومكانه قويه وكمان ليها ترتيب علي محرك البحث جوجل لكلمات مفتاحيه معينه هنختارها مع بعض لان زي ما وعدتكم لازم نتعلم بعض الأساسيات
المهمه في علم SEO او Search engine optimization
وبصراحه ده مجال اهتمامي وشغفي
انا في الكورس البسيط ده ها علمك شويه اساسيات فمن فضلك لو عايز تتعلم زيادة لا تتردد وتتواصل معي وان شاء الله اعرف افيدك
واحب انبه علي نقطه مهمه جدا كل اللي هنتعلمه هو white hat SEO يعني طرق متماشية مع خوارزميات جوجل الجديدة اللي لازم نحترمها والا تلاقي نفسك ومدونتك خارج ترتيب جوجل.
هل ممكن تشتغل علي مدونتك جزء من الوقت بجانب شغلك؟…. اكيييد طبعا
مش لازم تنتقل للعمل علي المدونة بشكل كامل الا لما تكون اتقنت شغلك جدا وبدأ يدخل لك أرباح معقوله تخليك تتفرغ له بشكل كامل
عايز قبل ما نروح للدرس الثاني احكي لك قصه صغيره
قصتي مع التدوين وال
SEO
انا طبيب الحمد لله ناجح جدا ودايما بحب الكمبيوتر الإلكترونيات بس مش زي الناس العادية ما بتحبها كنت حاسس اني سابقهم بخطوه؛ أصدقائي يعتبروني مرجع ليهم لما تقف قدامهم أي مشكله الكترونيه في السوفتوير او حتي الهارد وير
لحد ما بالصدفة جالي ايميل ان في مؤتمر لجوجل في المدينة التي أقيم فيها هيتكلموا فيه عن أحدث التقنيات الجديدة في التكنولوجيا
المهم حضرت المؤتمر ودي كانت القشة التي قصمت ظهر البعير طلعت منه خلاص عرفت ان شغفي والمجال الل حابب أكمل فيه هو التسويق الالكتروني واداره المحتوي
في خلال سنه وفي خضم العمل والنوبتجيات الصعبة استطعت الحصول على شهادة
Nano-degree in Digital marketing from Udacity in collaboration with Google
وبتقدير حاز على اعجاب كل المنتور في الموقع
وبعدها بعض الكورسات القوية بعضها مجاني وبعضها مدفوع من
Udemy and Coursera
كل ده في خلال سنه واحده بس وكمان وصلت أنى هكون متخصص أكثر في
SEO
ايه الغرض من القصة دي الغرض دور على شغفك شوف المجال اللي انت تحب تكتب فيه اللي تحب الناس تسمع منك فيه
بس خليني اضيف لك نقطه تخيل كده ان في دائرتان متقاطعتان زي الصوره دي الدائرة الاولي شغفك والدائرة الثانية احتياجات الناس مكان تقاطعهم هو فرصتك للنجاح وبالتالي كسب المال
يا رب تكون رسالتي وصلت واشوفكم ان شاء الله في اليوم الثاني ان شاء الله
لو عندك قصه ملهمه أرسلها لي بالايميل أحب اسمع كل واحد فيكم مجال شغفه ايه وايه المجال اللي كل واحد فيكم اختاره لأنشاء المدونة
اليوم الثاني
اختيار الدومين والاستضافه
الآن بعد أن اخترت مجالك المناسب ، حان الوقت للوصول إلى الجزء الممتع ( هو طبعا مش ممتع عند ناس كتيير لانه تقني في المقام الاول بس خليك معايا)- إعداد مدونتك! مدونه ليها استضافه ذاتيه هو الحل الذهبي! فهو يمنحك الكثير من المرونة وسيعطيك مظهرًا احترافيًا. أيضًا ، إذا لم تكن مستضافًا ذاتيًا ، فلن تمتلك موقعك ، مما يجعل خيارات الإعلانات والمكونات الإضافية محدودة جدًا ، لذلك دعنا نبدأ مدونتك على المسار الصحيح لتحقيق الدخل. بدون الدخول في تعقيدات تقنيه زي ما وعدتك اختار احد المنصتين اللي هاذكرهم للاستضافه والدومين حسب توصيه اكثر من ٩٠٪ من الخبراء
Hostgator و Blue Host
فارق الأسعار بينهم لا يكاد يذكرمن ٣ ال ٤ دولار بالشهر للاستضافة ، وده رخيص جدا لبدء الأعمال التجارية الخاصة بك! والاثنين عندهم دعم فني رائع في أي وقت قمت فيه بالاتصال بهم وكمان تثبيت ووردبريس بنقره واحده لإنشاء مدونتك ، مما يجعل اعداد المدونه عمل سريع لايحتاج لاكثر من ٣٠ دقيقه
حسنًا ، دعنا نبدأ في إنشاء مشروعك الجديد … كم هو مثير!
اختار أي من الموقعين واضغط ابدأ الان في أي من الموقعين وطبعا ده سينقلك هذا إلى الخطوة التالية الممتعة لاختيار اسم الدومين الخاص بك. يجب عليك اختيار اسم جذاب يتوافق مع مكانتك. اسم النطاق الخاص بي هو
WadiWaleed
انا اخذته من وادي السيليكون مصدر التكنولوجيا في العالم واضفت اليه اسمي وده هيكون معياري لمساعدة الناس على النجاح في العمل في المنزل.
يعد اختيار اسم مثير حقًا ، ولكن قد يكون من المحبط أيضًا العثور على اسم غير مستخدم بالفعل. إذا حدث ذلك ، فستحتاج إلى الحصول على تصميم مبدع بواسطة مرادفات Googling للاسم الذي تريده حتى يمكنك العثور على شيء متاح.
لا تزال تكافح؟تعال الي جروب الفيسبوك وهنحاول نساعدك في اختيار اسم لمدونتك او ارسل لي علي الايميل وان شاء الله اساعدك في الوصول إلى اسم مبدع.
من أجل إعداد مدونتك بشكل صحيح ، انقر هنا انا اعددت لك دليل صغير خطوة بخطوة حول إعداد الاستضافة والوردبريس والمكونات الإضافية الضرورية التي ستحتاج إلى تثبيتها. وسيتوفر دليل المتابعة السهل هذا على مدونتك في غضون 15 دقيقة. بمجرد إتمام هذه الخطوات ، خلينا نروح للخطوه التاليه وهي
Theme
قبل الثيم انت محتاج من حاجه اسمها Dashboard تثبت WordPress ، ودي عمليه سهله جدا وسيقوم الموقع بها نيابه عنك
بعدها ستحتاج إلى اختيار theme. يمكنك استخدام theme WordPress مجاني أو الاطلاع على Themeforest
، حيث تقدم ما يقرب من 40000 موضوع وقوالب مذهلة تبدأ بأقل من 2 دولار! يمكن تغيير theme في أي وقت ، لذلك اختر واحدًا للبدء الآن ، ويمكنك دائمًا تغييره على الطريق.
نصيحتي المشروع ده استثمار لازم تدفع شويه فلوس علشان تبدأ صح استثمر في الثيم والاستضافه كويس هتلاقي ثبات وقوه ومشاكل اقل في مدونتك
بس طبعا لو الامكانيات ضعيفه اكيد خليك في الثيم المجاني ودول كثير جدا علي النت
الحمد لله الان لديك مدونه وثيم جاهز للانطلاق
طبعا الخطوه دي علي قد صعوبتها مهمه جدا للبدايه علشان كده انا معاك لو أي مشكله واجهتك تواصل معاي علي الميل مباشره وانا اساعدك او علي جروب الفيس وهتلاقي ان شاء الله مساعده فوريه
بكده ينتهي اليوم الثاني اشوفك ان شاء الله في اليوم الثالث
اليوم الثالث
الأساسيات التي يجب عليك معرفتها في مدونتك
اول واهم حاجه هي اللوجو اللي هتستخدمه في مدونتك
عين أي زائر اول حاجه بتشوفها هي اللوجو بتاعك وعلي أساسه بيجذب عينه ويشوف انت بتقدم محتوي شكله ايه او ينصرف ويترك موقعك
علشان كده تصميم للوجو من الأشياء المهمه جدا اللي لازم تعتني بيها
عندك طريقتين يا اما تصممه بنفسك عن طريق بعض الأدوات السهله جدا في الاستعمال زي Canva
ده موقع بسيط جدا بيساعدك خطوه بخطوه لتصميم اللوجو او صورك بشكل عام
او الطريقه الثانيه انك تخلي حد يصمم لك اللوجو بتاعك وزي ما هاقول واعيد مره ثانيه
ده استثمار فلو عملت كل حاجه بحرفيه هتلاقي نتائج ممتازه ان شاء الله
وطبعا الموقع العربي الشهير خمسات اللي بيقدم كل الخدمات بسعر رخيص وتقدر تتواصل مع الشخص باللغه العربيه وطبعا هو موقع غني عن التعريف
انصح بيه وبشده للي لسه بادئ البيزنس بتاعه علشان يصمم لوجو احترافي
ممتاز نروح للمهمه الثانيه
اعمل اكونتات علي السوشيال ميديا المختلفه علشان تقدر تبني متابعينك اللي هيقدروا يشوفوا شغلك ويقيموه
الخطوه دي عل قدر انها سهله وبسيطه بس مهمه جدا وخطيره لانه من خلالها هتقدر تعرف مين اللي بيتابعك وجاي من أي سوشيال ميديا
طبعا لازم تعمل لنفسك صفحه علي الفيسبوك واكونت علي تويتر وانستاجرام اذا كنت عندك منتجات فيها صور ده اقل شيء مطلوب منك في الاول وطبعا كل الاكونتات دي يكون عليها صوره اللوجو اللي انت صممتها في الخطوه الاولي
عارف الحاجه دي اسنها في التسويق بناء العلامه او البراند
واحده واحده الناس هتتعود علي صوره اللوجو بتاعك وتربطه بالخدمه اللي انت بتقدمها
شويه نصائح علي الماشي قبل ما نروح لاخر خطوه في درس اليوم
لازم تكتب وصف كويس لكل اكونت منهم ….لا تأخذ الكلام
copy paste
اكتب وصف مفصل لصفحه الفيس ووصف مختصر لتويتر ووصف مناسب لانستجرام
حاول تنشر بوستات جذابه في الاول واهم اهم حاجه تبقي متفاعل مع الناس اللي بترد عليك إيجابا او سلبا
حضرتك بتبني البيزنس بتاعك لازم علاقات مع الناس مهمه جدا النقطه دي من فضلكم.
نيجي للنقطه الاخيره في درس اليوم وهي بناء قائمه الايميلات
الخبراء بيقولوا ايه انت لازم تبدأ في بناء قائمه ايميلاتك امس
يعني من اهم الأشياء اللي كثير من رواد الاعمال بينسوها وتعتبر خطأ استراتيجي مهم
قائمه ايميلاتك عباره عن عملائك اللي عجبهم شغلك او منتجك او المجال اللي بتتكلم فيه وعايزين يفضلوا متابعين ليك كل ما تنشر مقال او صوره يستقبل ايميل منك ان في مقاله جديده تم نشرها
طيب من الناحيه التقنيه اعمل كده ازاي
في في القائمه الجانبي هلل
Dashboard بتاعتك حاجه اسمها
Plugin
وقبل ما تكمل قراءه من فضلك اقرأ الدليل اللي اعددته علشانك المتضمن اهم ٩ إضافات او بلجن لازم يتضمنها موقعك وبعدين كما قراءه
هتعمل add new
وبعدين تبحث عن
Email subscribers
ده اده مجانيه هتخلي بوكس صغير يظهر امام المستخدم في الصفحه الرئيسه او في الصفحات اللي انت تحددها يشجعه انه يسيب ايميله علشان يوصله احدث المقالات منك بيسموها الخبراء Optin
الاداه دي زي ما قلت مجانيه امكانيتها محدوده جدا
لكن في أدوات تانيه مدفوعه بتعمل وظائف اخري وتقدر تغير من شكلها والوانها وطبعا بتساعدك جدا في بناء قائمه ايميلاتك
مثال لذلك اداه
Sumo
طبعا الاختيار لك في كل حاجه هنقولها مجانيه او مدفوعه
انا لسه في البدايه ممكن اخد المجاني لما شغلي يكبر وتبقي قائمه الايميلات دي مهمه اخد المدفوع وهكذا
من فضلكم بلاش أي حد يفوت الخطوه الاخيره دي مهمه جدا جدا
ومن فضلك لو مقرأتش الدليل اللي فوق اقرأه كويس ونزل كل الإضافات او البلجن واتاكد انها نزلت
لو عندك أي مشكله ادخل علي جروب الفيس ونحاول نحلها معاك او تواصل علي الميل
واشوفك في اليوم الرابع ان شاء الله
اليوم الرابع
كيف تكتب محتوي يجذب القازئ
من الاول كده حضر فنجان القهوه بتاعك وركز معايا الكلام الجاي ده مهم جدا
قبل ما نتكلم عن المحتوي الجذاب في صفحه مهمه جدا في مدونتك اسمها
About me
الصفحه دي مهم جدا تكتب الكلام اللي فيها بعنايه شديده لانها هي روح موقعك هي السلام عليكم اللي انت بتقولها لزائر موقعك بطاقه التعريف
انا دخلت موقعك من صفحه علي الفيس او تويتر عايز اعرف مين بيكلمني
لازم تقضي شويه وقت فيها تكتب عن نفسك بأسلوب كويس وجذاب وفي نفس الوقت ابتكاري لاني لو قريت الصفحه دي ومش جذبتني اكيد هسيب الموقع وامشي ولو قريتها وعلقت في دماغي اكيد هارجع تاني
طيب خليني اعطيك شويه نقط محدده لازم تستوفيها في الصفحه دي
لازم مقدمه قويه بتقول فيها القيمه اللي انت بتقدمه من موقعك والانطباعات الاولي تدوم ركز في المقدمه
عرف موقعك يعني ايه اللي هيقدمه الموقع للقارئ او الزائر
عرف نفسك وايه اللي يؤهلك علشان تقدم الخدمه دي
لازم يكون في حاجه اسمها في التسويق
Call to action
يعني يكون في رساله للمستخدم يعمله اشهرها طبعا “اشترك في قائمتنا البريديه علشان يصلك كل جديد”
وأخيرا وسائل التواصل معك سواء تليفون ايميل واتس اكتب وصائل واضحه للتواصل
ده رابط صفحه من نحن الخاصه بموقع wadiwaleed
طيب نروح للجزء الأهم المحتوي
بيل جيتس مؤسس ميكروسوفت له مقوله شهيره ” المحتوي هو الملك “
“Content is the King”
يعني لو بتدور علي جوده يبقي لازم المحتوي القوي طبعا الكلام ده مش للمدونين بس لا كمان للي عايز يسوق لمنتج لو بيزنس معين
كل ما كتبت محتوي قوي عن الشئ اللي بتقدمه كل ما فرق معاك جدا في البيزنس بتاعك وتقدمه
عايز نصيحتي قبل ما تنشئ مدونتك او موقعك خلي عندك ١٠ مواضيع جاهزه للنشر
ممكن يكون رقم كبير شويه للمبتدئين بس صدقني عندنا شغل فني كثير لما نبدأ المدونه من دعايه وخلافه عايزين نركز فيه
علشان كده لما يبقي عندك مواضيع جاهزه للنشر هتوفر عليك المجهد بتاع التفكير في محتوي والدعايه له
طيب في خصائص معينه للمحتوي المتميز …..اكيد ركز معايا
المحتوي لازم بيكون بيجاوب علي سؤال بيدور في ذهن العميل في مجال تخصصك
المقاله لازم تكون اكثر من ١٠٠٠ كلمه
المقاله لابد ان تحتوي علي صور مش اقل من ٥ صور
في plugin بتخلي القارئ يشارك المقاله اذا عجبته في السوشيال ميديا اسمها social warfare نزلوها هتفرق معاكم جدا.
المقاله لازم تكون متوافقه مع محركات البحث وهنا طبعا البلجن الشهيره جدا اللي مفيش مدونه تستغني عنها Yoast ببساطه بتقولك مقالك متوافق مع محركات البحث عن طريق الوان زي اشاره المرور احمر غير متوافق واخضر متوافق واصفر يحتاج تعديلات وكمان هيكتبلك توصياته ازاي توصل بالمقاله للاخضر ( من أروع البلجن اللي ممكن تشوفها)
اكتب عنوان جذاب….كل الأبحاث بتقول ان انت قدامك من ١٠-٢٠ ثانيه علشان تجذب عين القارئ لقرائه المقاله اذن لو العنوان مش جذاب غالبا مش هيكمل قراءه
اقولك نصيحه كل مقاله اكتب لها ٥ عناوين واعرضهم علي اصحابك والناس اللي حواليك وشوف اكثر عنوان الناس أجمعت عليه اكتبه
اظن كده عندك واجب كتيير جدا ومش هتلحق تخلصه قبل غدا بس اشتغل وطلع مشاكل وناقشنا فيها علي جروب الفيس
واشوفك في اليوم الخامس
اليوم الخامس
طرق الدعايه المختلفه للمدونه وكيف تبدا الربح منها
درس اليوم مهم جدا ان اغلبنا وان كان بيكتب علشان شغفه بس طبعا نفسه يحق ارباح من المدونه بتاعته
وكمان سواء انت عايز تحقق ربح بسيط او نفسك تعتمد بشكل كامل عي الشغل اونلاين وتتحرر من ضغط الوظيفه وتقي مديرنفسك
ركز معايا
طرق المكسب من المدونه تتلخص في
الاعلانات
المحتوي الموجه اعلانيا
منتجك الخاص
Affiliate marketing
مش لاقي لها ترجمه واضحه بس هاشرحها لك بعد شويه
الاستشارات في تخصصك
الشغل الحر او Freelancing
خلينا نبدأ نفصل شويه علشان تبدأ تربح من مدونتك لازم يكون عندك شويه حاجات اساسيه
حساب علي جوجل ادسنس
اشتراك في بعض شبكات
affiliate
قائمه بالايميلات( فاكر لما قولتلك من يومين ان القائمه البريديه هي الاهم علي الاطلاق في المدونه)
مش عايزك تقلقك من الكلام الكبير ده تعال نقسمه الي اجزاء صغيره ونفهم اساسيات كل واحد
جوجل ادسنس
AdSense ، سيكون لديك إعلانات موضوعة على مدونتك. في بعض الناس ضد هذا. إذا كنت أحد هؤلاء الأشخاص ، فيمكنك تجاهل ذلك إذا كنت ترغب في ذلك. لكن الإعلانات مصدر دخل ممتاز. وكلما زاد عدد الزيارات ، زادت الأموال التي ستجنيها من الإعلانات. باستخدام Google AdSense ، يمكنك التحكم بشكل كامل في أماكن عرض إعلاناتك. يمكنك وضعها في الشريط الجانبي ، في مشاركات المدونة ، في مقدمه المدونه ، وما إلى ذلك. لن تحصل على الثراء من Google AdSense ، ولكنها بداية حتى تصل إلى عدد أكبر من الزيارات.
بمجرد وصولك إلى ما لا يقل عن 25000 زائر شهريا على الأقل ، ستتمكن من الاتصال بشبكة إعلانية مثل MediaVine ، والتي ستساعد على زيادة دخل إعلاناتك وهي تعتبر شريك لجوجل بس علي مستوي اعلي لناس الي امدونه بتاعتهم فيها زوار اكثر!
استخدم هذه البلجن لوضع الإعلانات في بداية مشاركتك وفي منتصفها وفي نهايتها. أنت هتضيف الكود مره وبعدها البلجن ستقوم بالباقي
بعد التقدم بطلب للحصول على AdSense ، كن صبورًا. يمكن أن تستغرق العملية بعض الوقت للحصول على الموافقة لانهم بيراجعوا محتوي الموقع ( فاكر لما قلتلك خيك جاهز ب 10 مواضيع ده من ضمن الاسباب لان Adsense هيحس ان المدونه شغاله وعليها مواضيع)
التسويق بالعموله Affiliate
الخص لك اموضوع اللي عليه جدل كبير
الشركات الكبيره بتدي عموله علي كل عمليه بيع بتتم عن طريقك
انت لما تشترك معاهم بيدوك لينك مربوط بحسابك عندهم بمجرد ما الزائر يضغط علي اللينك ويشتري المنتج منهم انت تاخد عموله مباشره
ممتاز …لا استني لازم حضرتك تختار الشركه الي لها علاقه بمجالك لو مجالك مثلا المطاعم لازم تختار شركه مطابخ مثلا وانت بتكتب عن اطعمتك المفضله وطرق المبتكره لتحضيرها لازم تجيب سيره شركه المطابخ وتحط لينك ليها وتنصح الناس بيها
يبقي شركه كبيره في نفس مجالك ومحتوي قوي يقنع الناس بالشراء.
في كورسات كثير جدا علي Udemy وعلي غيرها من المواقع وكثير جدا منها باللغه العربيه
اللي حابب يتخصص ويستزيد م المجال ده
المحتوي الموجه اعلانيا
يعني المحتوى الذي ترعاه أنك تحصل على أموال من علامة تجارية لوضع محتواها على مدونتك. قد تكون هذه المشاركة عبارة عن مشاركة للمراجعة أو ميزة أو مقابلة أو فيديو تجريبي أو غير مقصود ، إلخ. وهكذا يبدأ معظم المدونين في كسب الدخل بمدوناتهم ، لذلك أوصي بالالتحاق بالشبكات الإعلانية بمجرد زياده زوار موقعك وعقد اتفاق مع شركه في نفس تخصصك( ارجوك ركز في نفس مجال تخصصك).
منتجك الخاص
هذا يعني أنك سوف تقوم بإنشاء منتجات بنفسك وبيعها. ممتع للغاية!. صح عادة ما تكون المنتجات المعلوماتية مثل الدورات والكتب الإلكترونية. ، أفضل طريقة لتحقيق أكبر قدر من الدخل من خلال مدونتك. وطبعا بيع المنتجات اللي بتقدمها شركتك وكتابه مقاات تدور حول هذه المنتجات اختار ممتاز
يعتقد الكثير من الناس أن إنشاء منتجاتك الخاصة هو للمدونين الأكثر تقدمًا. هذه أسطورة انت ممكن تبدأ من اليوم الاول
يمكنك إنشاء كل المنتجات التي تريدها.. كل ما تحتاجه هو جمهور ، سواء كان 10 أشخاص أو 5000 شخص! المهم ان تكون مبدع
الاستشارات والعمل باستقلاليه
الاستشارات تعني أنك تستخدم خبرتك لمساعدة الآخرين في مجال معين. هذا يمكن أن يوفر التدريب ، وتقديم المشورة ، وإجراء مراجعة ، ووضع قائمة مرجعية ، وخلق خطة عمل ، الخ. إذا كان لديك خبرة في مجال ما ، فكر في الاستشارات كمصدر دخل إضافي لمدونتك.
يعني العمل الحر أنك تعمل كمقاول يقوم بمهام لعملائك. أمثلة شائعة: كتابة الإعلانات ، تصميم الجرافيك ، إنشاء الشعار ، إدارة وسائل الإعلام الاجتماعية ، تحرير الفيديو ، إلخ. يمكنك العثور على وظائف استشارية ومهنية في مواقع كثيره . يمكنك أيضا بيع خدماتك على مواقع كثيره وبما اننا بندعم امحتوي العري بارشحلك موقع خمسات. وعندها هتضيف قسم في المدونه بعنوان يجب أيضًا إضافة صفحة “WORK WITH ME” على مدونتك ، مع توضيح تفاصيل فرص العمل المتاحة لك. او تحقق من صفحة “العمل معي” على سبيل المثال.
كده زي ما وعدتك تكلمت معك علي فرص الكسب من المدونه الطرق دي من وجهه نظري هي الانسب لان في طرق اخري ستسمع عنها ممكن تعرضك للعقاب من جوجل وغلق المدونه فكن حذرا
لو عايز نصيحتي …ان كون عندك منتج خاص بيك تحاول اتسويق له من خلال المدونه هو افضل الحلول …خليك مبدع واعمل منتج كورس دوره تدريبيه كتاب فكروا وخلونا نشوف ابداعاتكم
شاركونا افكاركم للتسويق للمدونه علي جروب الفيسبوك
واشوفكم في اليوم الاخير
تعليقات
إرسال تعليق