لحل في كلمة من اربع حروف
ي س وع
اسمه بيطرد اي خوف
من اي جهة ومن اي نوع
يدي المريض قوة
ويعزي حزين موجوع
والشيطان يهابه ويصرخ
ويعلن خضوع
بإشارة الشمس تغيب
وباشارة يكون سطوع
هو اللي اقام الموتي
وهو برضه اشبع الجموع
وباء ايه اللى يقف قصاده
ده هيذيب زي الشموع
الله عاوز صلاة عبادة
يندهوا ويقولوا يا يسوع
فتح عينيا
خليني اشوفك
خليني المس حضنك
وايديا في كفوفك
خليني اقولك كلام
لاول مرة اقوله
واقضي اللي جاي معاك
وعمري الباقي بطوله
يا طبيب الظروف الحرجة
والصعبة في ايدك سهلة
ولا مرة لقيناك تخذلنا
يامنور عتمتنا الكاحلة
مش عارف بس مالك
المرة دي طال سكاتك
عاوز تسمع صلاتنا
ادينا يارب جينا لك
جدد ارجوك حياتنا
بلمسة من جلالك
رجع لك طبيعتنا
خليها تشبه جمالك
انت الطبيب
ومفيش مرة
دواك يخيب
انت المجيب
وانت العجيب
بلمس منك
كله هيكون تمام
بذكر اسمك
الموجة تبقي ف سلام
والعليل يخف
ويبقي تمام
والموت يقوم
ويبدا في الكلام
تعليقات
إرسال تعليق