الشاعر مينا انيس نخله
قصيدة المعايدة مني ولي كالعادة في عيد ميلادي
كل سنة وانت طيب يامون
وايامك اللي جاية سعادة
كل سنة وانت الاضافة
للحلاوة والشقاوة اللي بذيادة
عيد ميلادك كله فرحة
لقلبك ولكل حد حبك
ونفسك الطيبة مسامحة
للي كرهك وللي جرحك
سند واخ متقولش لا
دايما بوش واحد حقيقي
كل سنة دايما في حق
يا صاحبي انا يا صديقي
هو فين الحب
في زمان ساده الكدب
زمن كل الناس تتسلي
وتبان بالصورة الاحلى
والواقع حاجة تانية
كله في وقته حبيبك
ووقت البيع
بيبيعوا في ثانية
معلش يا قلبي نصيبك
تاخد ضربات قاضية
ابتسم
وابتسمي
رغم الألم
رغم الوجع
كل البشر
مالناش فيهم نفع
ابتسموا للحياة
حتى لو كان مصطنع
بكرة احلى
للي عامل جدع
للكبار فقط
شفت النهاردة حاجة مكنتش اتمنى اعيش اللحظة دي ولا اشوفها
طفل صغير تقريبا في حدود سنه ويمكن أقل
ملاك بمعنى الكلمة جمال سبحان الله
الطفل ده اسمه محمد بينام في اوضه الأطفال لوحده
لان سعادة الباشا الأب أصدر أوامره وحابب يقلد الناس اللي بتعمل غرف للأطفال وكل واحد له خصوصياته
من حق سعادتك لكن مش في السن ده
ما هو الولد لو نام معاك انت ومامتك مش هيخرج يحكي برة
بعتذر لأي كلمه خارجة
بعتذر
بس اللي شوفته النهاردة لسه مش مفارق عيني
صورة الولد قدامي مش ب تفارقني والله ابدا
الولد عياط الليل كله والأب مانع حد يروح له
ولو الأم اتحركت من جمبه تتضرب
ولو جد الولد او عمته او حد من البيت قال له شوف الولد الدنيا تخرب لدرجة انه أهان أهله بكلمات خارجة وقال لهم انا ماليش عيال وياريت ما عندي عيال.. انا مش بعرف انام الليل منه.. خليه يتعود.. وكلام كتير
الأب الليل كله سهران وبيشرب وبيبلبع حاجات وبينام الصبح
الأم لا حول ليها ولا قوة
ع ما شافوا الولد بطل صراخ ليه
كان السر الإلهي خرج
لو مش هتعرف تكون اب.. بلاش تتجوز
ولو بتخلف وخايف الولد الصغير يشوف حضرتك في العلاقة الزوجية وخايف ع مشاعره شوف لك واحدة من إياهم اللي بيتقال عليهم شمال
مع العلم مفيش واحدة شمال
فيه راجل شمال.. لأن لو اختفى الراجل الشمال مش هنسمع بفتاه ليل او واحدة كده
لو سيادتك مخلف اولاد عشان تموتهم كده بلاش
اتقي ربنا..
اللي كان عامل لك صداع مات وارتاح اتمنى حضرتك يجي لك نوم وتشخر
اتمنى يكون عندك لسه فيه ذرة ضمير وتتقي ربنا وما تفكرش في خلفة تاني غير لما يبقى عندك قدرة على التحمل والمسؤولية
انا نشرت القصة بناء على رغبة.... مش هقول الشخصية عشان ماتحصلش لها مشاكل وعلى حسب رغبة صاحبها للناس عشان لو فيه حد كده يتعظ
تعليقات
إرسال تعليق