نفسك في ايه؟ ابقى مطمئن
نفسي اطير
نفسي احلق واحقق
حاجات كتير
واروح مكان
فيه ناس زمان
ناس حسسونا
وعيشونا الامان
ناس فارقونا
بقى لهم اوان
نفسي اشوف
أصحاب الذكريات
ناس حبيناهم
قالوا علينا حد مات
ناس عشانهم بنعيش
النهاردة وكل ما هو ات
مش عاوز اتكسر
ولا يتقال عليا
أن انت والقدر
واخدين حقكوا فيا
لو بتحب بجد
اثبت واستمر
كمل معايا
مش عليا
متبقاش زيهم
وجع ومر
لو بتحب بجد
خليك لحضني حضن
خليك حبيب واب
خليك برضه ابن
خليك سند لما اشيب
خليك اماني في كل سن
في يوم المرأة العالمي اكتب :
نصف المجتمع ولا كله
انتي ورده وانتي فله
انتي نبضه وانتي شمله
انتي بيته وانتي عمله
انتي امبارح و النهارده
انتي بكرة وامله
انتي حواء لآدم
ومن غيرك لا يسوي
انتي بيكي الكيان
وفي عيوننا حلوة
انتي النص التاني
انتي اللمةوعزوة
انتي حديث الشعراء
واخراجك في غنوة
وجودك شيء اساسي
يا مملكة وثروة
واللي يقلل منك
مالنا بيه اي دعوة
مايعرفش قيمتك
غير لما يجي يوم
ويقابل بنت صدفة
وأن عبرته بكلمه
تبقي روح يا خلفه
يطيرمن عينه النوم
ويقول يارب وياريت
أكون صاحب النصيب
وتكون هي ست البيت
ويسميكي الحبيب
والفون يشتغل
وخطوط وعروض
و24ساعه يتصل
لكي الولاء والفروض
ويتعلم الكسل
من حبه ليكي
قلبه يشتغل
ومن شغله بيكي
يطنش يشتغل.
ويبوس ايديكي
ولما ليكي يوصل
يقول ياساتر كان يوم
ياريتني ماعرفتك
طيب افتكر اليوم
اللي قلت ياريتني شوفتك
المرأة نصف ولا كله
المرأة صدقوني أصله
كل سنة وانتي طيبة
كل سنة وانتي مكملة
ياامي وأختي وامراتي
كل سنة وانتي متحملة
يابنتي وخالتي وعماتي
كل سنة وانتي أصيلة متأصلة
يازميلتي وجارتي ونساء دنياتي
السلام عليكم
ردحذف