اعمي وبدور ع الطريق
لا جمبي قريب ولا رفيق
كله اتخلي عني
حتي اللي قالي انه صديق
كله سابني
وكاني حد خنيق
لما اسال بلاقيهم يسكتوا
ولما اقرب هما بيهربوا
اصلي اعمي والاعمي
على المفتحين بيبقي حمل
لحد ما في يوم لقيت
اللي خلقني بيجدد طبيعتي
تفل ع الارض والطينة
خلاها تكشف نور سعادتي
يسوع حبيبي مش حد غيره
فتح عيوني في دقايق
ومن ساعتها ف كل حاجه باستشيره
خالقني وخالق كل الخلايق
مش بنخاف ولا بنتهز
ولا بيفرق ويانا
لو انتوا معاكم اهل الأرض
غيره لا يمكن نطلب حد
حد ده مين ده هو فدانا
بيسمح لينا باستشهادنا
حبا فينا مش كره لدنيانا
بيقتلوني
وايه يعني ما يقتلوا
جمب المسيح
عمري اللي جاي ما اجمله
مساكين
فاكرين ولادي هايحزنوا
اه شوية لكن
مش ع اللي بيستشهدوا
انا زيي زي مارمينا
وزي ابوسيفين ومارجرجس
زي بولس ومرقس
يعقوب وبرضه بطرس
حد يزعل علي واحد في دولا!؟
هما استشهدوا من حبهم
وانا بقيت منهم وزيهم
فبلاش ف يوم عليا تزعلوا
مبروك الشفاء
شكرا ياست ياعدرا
شكرا يا ملاك ميخائيل
شكرا يارب الف مرة
انت قلت شافيك
وفعلا يارب شفيت
ومهما هشكر هكون مقصر
لو عشت الباقي وصليت
مديت ايدك المنقذة
وعملت معانا المعجزة
ولا يوم عنا اتخليت
قوليله يا ستنا
المرض اصابنا
وتعبنا كلنا
قوليله كفاية
عنا وعن اهلنا
عن صحابنا
واللي من دمنا
ع اللي تعبنا
وعن برضه عدونا
قوليه ما انا عارفه
بيسمعلك
فاكرة الجليل
قال حاضر وقال امرك
قوليله يا عدرا
لو سمحتي
وهو هينفذ لو قلتي
عشان خاطري
ازما تخف
عشان ناس كتير
مسنودة عليك
وناس بتاخد فرحتها
من فرحة عينيك
وناس بتتونس
برضه بيك
لازما تخف
عشان الغلابة والمحتاجين
الفقراء المساكين
الناس دولا
الناس الطيبين
اللي انت بتفتكرهم
ومعاهم في كل حين
علشان خاطر الخدمة
وكل المخدومين
عشان مدارس الاحد
والشموسية يا خادمنا الامين
علشان خاطر بيتك
وكل حد عرفك
في بلدك كان
او في شغلك
ما انت الامان
والله ومش بجاملك
لازما يخف
ياربي بقولك
رجع الفرحة لبيوتنا
رجع لينا السلام
تعبنا يا الهنا ودوبنا
مبقيناش حمل الالام
ارجوك المس قلوبنا
كفاية كدة حرام
ده احنا تراب ياربي
اخرنا شوية كلام
لكن من جوة ابيض
يا حنين علي الدوام
رجع الفرحة لبيوتنا
رجع لينا السلام
تعبنا يا الهنا ودوبنا
مبقيناش حمل الالام
ارجوك المس قلوبنا
كفاية كدة حرام
ده احنا تراب ياربي
اخرنا شوية كلام
لكن من جوة ابيض
يا حنين علي الدوام
تعليقات
إرسال تعليق