الشاعر مينا انيس نخله
علي طبيعتها
مالهاش في البهرجة
تهزر وقت الهزار
تلاقيها مهرجة
ووقت الجد جد
حيطة سد
لا تعرف تزوق الكلام
ولا تفكر لما ترد
اصلها علي طبيعتها
في مكياجها في عيشتها
في كل حياتها
مالهاش شبيه في حد
حلوة في الصور
وفي الحقيقة
جميلة في كلامها
ليها طريقة
تشدك ليها م البداية
في ملامح عينها
تلاقي حكاية
كأنك تفاصيلها ومعاها
كانك تعرفها من سنين
لها حضور من اول انطباع
ومهما شوفت غيرها
هي برضه احلي باقتناع
عايشة حياتها
بطولها وعرضها
مش فارق معاها
مين معاها
ومين مبقاش بيودها
مين بيجاملها ومين
تاني عدوها
كل اللي هاممها
رضاها علي نفسها
ورضا ربها
هكتب لاخر نفس
مش هبطل كتابة
هكتب عن كل حاجة
جميلة رقيقة جذابة
هكتب في الشعر حدوتة
لبنوتة حلوة بسكوتة
اللي حزينة وموجوعة
قبل الفرحانة مبسوطة
هكتب لكل شب
وقع في الحب وحب
وكل القصص والروايات
بما فيها من صدق وكدب
خجولة في التعامل
في الكلام وفي السلام
خارجة لما تقابل
حتي في الاهتمام
لا يمكن صوتها يعلا
بين كلمتين تنام
خجولة حتي في عتابها
في البعد وفي الخصام
مبقاش في الشات رسايلك
كل اللي بينا مراقبة من بعيد
كل اللي فيا بيقول بحبك
واما براقبك بلاقيك سعيد
اه منك يا قلبك
نسيت اللي ما بيننا خلاص
هسيبك للدنيا ومشاعرك
هسيبك لحبك الجديد
الشاعر مينا انيس نخله
تعليقات
إرسال تعليق