مبقتش اخاف م اللي بيكرهوني قد ما بخاف م اللي عامل بيحبني وبتكشفه ع حقيقته الايام والمواقف
بخاف م الضلمة
الضلمة بتاعت انقطاع الكهرباء دي والضلمة بتاعت القلوب
وحشه اوي القلوب المعتمة اللي كلها ضلمة
اللي ساكناها اشكال تانيه مرعبة كلها وحوش واشباح..
بخاف م الصاحب اللي بحكيله سري وحكاياتي وافضفض له واتاريه زيه زيهم مجرد حد قاتله الفضول وهو لا بيحبني ولا نيلة
بخاف احب ويطلع حد يتسلي بيا وبمشاعري واكون مجرد وقت فراغ عنده بيشغل وقته بيا لحد ما تفرج
بخاف اتسند على حيط مايلة تكون محتاجة اللي يسندها وتعريني وتوقعني.. للاسف هما البشر كده
بخاف م الكلام الحلو اللي بطمن له وارتاح لاصحابه ويكون مجرد كلام نتزوق وخفاياه يعلمها ربنا
بخاف اضحك واتبسط
بخاف تمر عليا اوقات سعادة
خوف لا تقلب بنكد ما انا مش متعود ع استمرار الفرح والسعادة في حياتي
بخاف م البدايات الجميلة لان معظمها ان مكانش كلها هيقلب بخيبة امل
بخاف رنة تليفون تقلب كياني واخبارها تكون مش سارة
بخاف م الارقام الغريبه واقول يارب استر
بخاف من اني اشوف حد بيجري عليا واقول سترك يارب ميكونش جاي بخبر وحش
بخاف اشوف حد بحبه موجوع ومتالم
بقيت بخاف من اي حاجة ومن كل حاجة
انا اللي بخاف م الحاجات الحلوة في حياتي اكتر من المؤلم لان تقريبا كله بيبقي مصير واحد
الم.. بكاء.. وجع.. خوف اكتر واكتر واكتر
ست الحبايب امي
الخير في النهاردة
وامبارح وبكرة
ست الحبايب امي
نور الكون هي وقمرة
عمرها ما تأخرت
ولا حتى مرة
حتى في تعبها
بلاقيها جمبي حاضرة
بتخبي وتقول تمام
بتخاف على زعلي
عشاني تبقى في صيام
ولا تقبل بجوعي ووجعي
مفيش زيها في الاهتمام
في السؤال ولما تصلي وتدعي
امي مهما قلت كل الكلام
هبقي ما قلتش يا امي
تعبان يارب والوجع
مبقاش يسيبني
حتى نفسي حاسسها
مبقتش مني
حواليا كتير لكني
واقف وحيد لوحدي
ارجوك تعبت
ريح لي قلبي
متشائم جدا
م اللي انا عشته
سنين عمري بتجري
والفرح لا قابلته ولا شفته
ملامحي بتكبر مع سني
وكأني مابقيتش اعرفني
حد يرجعني لنفسي
حد ياخذني ف حضنه يطمني
حد يقولي ما تخافشي
انا جمبك مهما هايحصل صدقني
عندك مانع يادنيا
نتصالح شوية
عندك مانع افرح
وكفاية كدة عليا
مبقتش قدك
ولا قد حملك
حنيتي ضهري
كسرتي خاطري
وانا في حالي
يكونش ده
حالك واصلك
بس انتي معاهم
حلوة اوي ومبتسمة
ترقصي لهم رقص
ومقسمة
ومعايا لاوية بوزك
ع طول غضبانة ومعتمة
كفاية بقى اضحكي مرة
وانا اسميكي معلمة
بحبك تبقى جمبي
تبقى حتة مني
ولو لحظة غبت
احس ان روحي ب تفارقني
بحبك تبقى باقي
مهما كله اتخلى عني
بحبك حد راقي
حضنه دنيتي ووحده يساعني
ممكن تاخدني في حضنك
ولو حتى حضن خطف
ممكن اعيش دي الثواني
ننسى التقاليد وننسى اي عرف
انا ساعتها هبقي حد تاني
هعيش حياتي.. هذي الدنيا كتف
وجودك جمبي بيطمني
مهما ادتني ضهرها ولفت بيا لف
بحبك لو كلمة من الشفايف
هقول مش عاوزها
ولو اتقالت الف مرة
مانيش هبقي حاسسها
واللي بيخرج من القلب
للقلب يوصل
واللي بيلعب بالمشاعر
ربنا يدافع ولا يمكن هايقبل
على وضعك وجمالك
بيضيف للجمال جمال
حتة من الجنة ع الارض
مبهرة في كل الاحوال
في هزارها وفي الجد
فوق القمة وعال العال
وقصاد منها بيبقى الورد
حاجة ع القد ومشى الحال
#الناس_الحلوة
بتمدك بالامل
وقت ما ليلك يبقى عتمة يفكروك أن فيه نجوم هتنور دنيتك وراهم قمر هما القمر ده
الناس الحلوة تبقى جمبك تسندك مهما كان شكلك او شكل حالك وظروفك
الناس الحلوة مش بتبص على أي اعتبارات تانية ولا معرفتهم ليك بتبقى نابعة عن أي مصالح او وقت فراغ بيقضوه معاك
الناس الحلوة حلوة في أي مكان وفي أي سن
حلوين في خناقاتهم وفي هزارهم
حلوين في تمسكهم بيك
حلوين في دلعهم ورقتهم
حلوين في تعاملهم
حلوين في جدعنتهم ووقفتهم
حلوين في كلامهم وسلوكهم واسلوبهم
حلاوتهم بتبقى نابعه من روحهم قبل جمالهم
حلوين من جوة.. والحلاوة دي مش اي حد بيبقى جميل بيها غير
واخرتها ايه
يادنيا يا بنت الاية
بياضك سواد
سوادك مفيش زيية
فواتحك غوامق
حلاوتك حوادق
مفيش حد صادق
معرفش بيكدبوا لية
تعليقات
إرسال تعليق