خليك جمبي ما تسيبنيش
خليك ليا ما تكسرنيش
وأن جت فرصة يوم تتخلى
قول ابدا ده غيره مفيش
حلي الدنيا دي في عينيا
انا بية هبقي في الدنيا
ده انا حد شبع تلطيش
نصيبي خلص من الحنية
ونفسي اتطمن بجد واعيش
مش مهم
تبقى قمة في الجمال
أو يتقال عاقلة
وفوق الكمال
مش مهم
يتقال عليكي
الرقة في صوتك
والحلاوة في عينيكي
ولا شياكتك
ولا لمسة ايديكي
كل ده مش مهم
كل ده قابل للزوال
المهم روحك وقلبك
طيبتك احساسك وعشقك
دي حاجات ماينفعش فيها
يتقال ع القد او حتى احتمال
اضحك
اضحك
ليه بتشيل الهم
طب واخرتها يا عم
دنيا وبنت لذينا
ولا ابدا بينا تهتم
دايما بتجرح فينا
من غير ماننزل دم
مهما بتكتر شكاوينا
من كترها ما بتتلم
وأحزان تبكينا
وعطاؤها كله سم
وفينا اللي مكفينا
ما احنا من هم لهم
فاكرينها بتدينا حلاوة
اتاري حلاوتها وهم
ولما تدينا غناوة
غناها كله رسم ف رسم
دنيا ومليانه غباوة
والفرحة فرحة بالاسم
دنيا بتعلي الواطي
والاصيل الله يرحم
بتاخد الحلو ما بينا
وتسيب الاغشم
كدبوا من قالوا
انها يوم تفهم
هو ده حاله
اللي فيها يتعشم
يتغير حاله
ويعيش يتندم
اللي مايضحك
ويديها بالصرمة
واتوقعها
لايجي لك صدمه
ع طول تقف لها
كلمة بكلمة
تسود في وشه
يعاملها بحكمة
ويطنش
عشان يضحك ويفرفش
اللي هايوقف ع الواحده
وشه بسرعه هايكعمش
واللي اعصابه باردة
هو العايش ومطنش
اضحك
اضحك من همك
اضحك من غلبك
بكرة هايجي يوم
تضحك من قلبك
تعليقات
إرسال تعليق