الشاعر الكبير مينا انيس اجمل ما قيل
ا
الام
ام يعني من غيرها احنا ما فيش
وتعالوا نفكر
لو الام مش موجوده مين هايجي ومين يقدر يعيش
وتعالوا نتذكر
احساناتها
افعالها
افضالها
جمايلها ما تتنسيش
ومين يقدر يقول انها مابتديش
ده علينا خيرها ياسلام
سلام
خير
حب
حنان
دفء
طيبه
ام يعني جدعنة واحترام
ام لما تيجي سيرتها
المفروض نقف قيام
ونديها تحية وتعظيم سلام
ام يعني حياتها حياتنا بالتمام
وهمها بس الضني
ولو حسينا بمرض
نلاقيها تقول ياريت مكانكم كنت انا
ام يعني حب صادق من كل القلب
ام يعني عيون سهرانين في غيابنا
وفي وجودنا حد علينا ومصاحبنا
وان يوم قلنا اوف وغلطنا
نلقاها بتنسي وبتسامحنا
ام يعني قلبها حتة من السماء
عمرها مابتعرف اساءة او تفتكر مضايقة
ام يعني مشاعرها حلوة وصادقه
امي ست طيبه يارب خليها وعليها اغنيها وراضيها وان يوم قسيت عليها
انت يارب باقي ليها
بلاش تسمح بدموعها تنزل
ما انت عارف ما انت عندك ام
كانت فرحانة بخلاصها لكن جواها سيوف وهم
خلي امهاتنا وفرحهم
وانزع خوفهم وجراحهم
واطرح بالبسمه علي وشوشهم
وسامحهم
واللي اتحرم منها عوضه
انت ابوه وامه وقادر تسعده
عيد ام سعيد
ياصليب (في عيد الصليب)
ليه نحتفل بيك ياصليب مع انك خزي وعار
ليه نرفعك ونعليك مع انك عليك رفعوا بار
ليه نرشمك ونرسمك وفي بيوتنا وقلوبنا باستمرار
مع انك مشهور بالجريمه وساكنيك كانوا فجار
ليه
عقلي انا محتار
ليه
ايه حصل من عار الي افتخار
اصل يسوع شاور عليه
وقال بموتي عليه هايكون الانتصار
مات
وبموته ادانا حياة
وبصلبه تم الفداء
مات بالاختيار مفيش اجبار
وقيد ابليس واخرج الابرار
كل ده تم بالصليب
صليب اللي يعرف طريقه ويحمله
يوصل للديار
واللي مايعرفوش وينكره حياته جحيم ونار
صليبي فخري وقوتي
صليبي نصرتي وبسببه انا من الاحرار
من غير صليب الحياة ضلمه
حتي لو كانت كلها انوار
من غير صليب الحياة الحلوة اخرتها مرار
وبالصليب لو حياتنا متعبة وصعبه اخرتها عمار
ساعدني اشيله زيك يارب
واساعدك وتساعدني لأخر المشوار
عيد صليب مجيد علينا جميعا
#وحشتنا
وحشتنا
يا حنين يا ابو قلب رهيف
يا لذيذ يا ابو دم خفيف
يا نسمه في شتانا وصيف
وحشتنا
وحشتنا يا اجمل اب
يا أعمق حب واطيب قلب
لما تهل علينا كنا الشعب
بنفرح ونقلب زغاريت
هيصة ولمه وفرحة
تملأ الشارع والبيت
وكبير وصغير تنطيط
من مشاعرنا
بننسي نفسنا ونزيط
وحشتنا
تعليقات
إرسال تعليق