الشاعر مينا انيس نخله.
نفسك في ايه!؟
نفسي اعيش شبابي
والفرح يجي
ويخبط تاني بابي
نفسي الاقي
نفسي طير
احلق واسافر
واروح اماكن كتير
ابقي وسط اللمة
واحد كبير
واحد له كلمته
تقول كده امير
واحد عايش دنيته
ناسي قصته ف التفكير
فاقد الذاكرة
وبادي من جديد
واحد في كل حاجه
فرحان سعيد
ما يخافش من بكرة
ولا يجي في باله مرة
في الانتظار امتي عيد
كل الايام بالنسبه له سعادة
طول ما الحزن هناك بعيد
بيحسدونا ع الابتسامه
ما يعرفوش حظنا م الالم
بنفرش ابتسامة وابتسامة
خدنا مكانهم مليون قلم
الرحمة يا خلق يا هوه
سيبنا كفاية الوجع
اه لو صوته تسمعوه
تطلبوا يعزينا المجتمع
اللي بيحبك
بيشوفك احلي حد
كنت في هزار
او حتي في جد
كنت في قمة وسامتك
او حتي كنت في بوخاتك
اللي بيحبك بيشوفك
زي ما بتشوفك بالظبط مامتك
تعليقات
إرسال تعليق